Донишгоҳи давлатии тиҷорати Тоҷикистон

Донишгоҳи мо-ояндаи дурахшони Шумо!

Асосӣ Ҳамкории байналмилалӣ Шуъбаи ҳамкориҳои байналмилалӣ

Ҳамкориҳои донишгоҳ бо донишгоҳу донишкадаҳои хориҷӣ

Яке аз самтҳои афзалиятноки фаъолияти ДДТТ  ба роҳ мондан ва густариш додани ҳамкориҳои судманд бо донишгоҳҳо ва ташкилотҳои хориҷӣ ҷиҳати баланд бардоштани сифати таҳсилот ва омӯхтани таҷрибаи пешқадами онҳо аз ҷониби омӯзгорон ва донишҷӯёни донишгоҳ мебошад. Ба ин мақсад донишгоҳ бо зиёда аз 60 донишгоҳи хориҷи кишвар, аз ҷумла, бо донишгоҳҳои Федератсияи Россия, Ҷумҳурии Қазоқистон, Ҷумҳурии Беларус, Ҷумҳурии Кореяи Ҷанубӣ, Ҷумҳурии Лаҳистон, Италия, Испания ва ғ. шартномаҳои судманди тарафайнро ҷиҳати табодули донишҷӯёну омӯзгорон, гузаронидани конфронсҳои байналмилалӣ, чопи мақолаҳои илмӣ ва ғ. ба имзо расонидааст.

ДДТТ барои тавсеа ва таҳкими ҳамкориҳои байналмилалӣ бо донишгоҳҳои хориҷи кишвар дар озмунҳои Барномаи Эразмус+, Бонки ҷаҳонӣ ва Институти “Ҷамъияти Кушода” - Бунёди Мадад дар Тоҷикистон  фаъолона иштирок менамояд. Масалан, донишгоҳ барои таҳия ва татбиқи барномаи магистрӣ ба забони англисӣ дар доираи озмуни Барномаи Эразмус + бо Донишгоҳи Сантяго де Компостелаи Испания, Донишгоҳи Люблянаи Словения, Донишгоҳи Неаполи ба номи Фридрихи II Италия ва донишгоҳҳои  Осиёи Марказӣ лоиҳа таҳия намуда,  татбиқи онро дар давоми солҳои 2019-2021 ба нақша гирифтааст.  Донишгоҳ дар доираи лоиҳаи Бонки ҷаҳонӣ - “Низоми менеҷменти сифат” ба мақсади такмили 4 барномаи таҳсилотӣ – иқтисоди ҷаҳон, иқтисод ва идоракунӣ дар корхона, ҳуқуқи иқтисодӣ ва молия ва қарз, инчунин, таҳия ва татбиқи низоми менечменти сифат бо Донишгоҳи менеҷменти Алмаатои Ҷумҳурии Қазоқистон, Донишгоҳи Пизаи Италия ва Донишгоҳи Гранадаи Испания ҳамкории судмандро ба роҳ мондааст.

ДДТТ дар доираи Барноми Эразмус + ва созишномаҳои тарафайн бо Донишгоҳи Пизаи Италия, Донишгоҳи Кемёнги Кореяи Ҷанубӣ, донишгоҳҳои Федератсияи Россия ва донишгоҳҳои Ҷумҳурии Қазоқистон барномаи табодули омӯзгорону донишҷӯёнро дар сатҳи баланд амалӣ гардонида истодааст.

Нишонӣ

Номи пурра: Донишгоҳи давлатии тиҷорати Тоҷикистон 

Нишонӣ: 734061, Ҷумҳурии Тоҷикистон, ш. Душанбе, кӯч. Деҳоти 1/2, Донишгоҳи давлатии тиҷорати Тоҷикистон

Ректор: д.и.и., профессор Фақеров Ҳамидуллохон Нуриддинович

  • Телефон: +992(37) 234-83-46     +992(37) 234-85-46

Мо дар шабакаҳо иҷтимоӣ

Асосӣ Ҳамкории байналмилалӣ Шуъбаи ҳамкориҳои байналмилалӣ