Донишгоҳи давлатии тиҷорати Тоҷикистон

Донишгоҳи мо-ояндаи дурахшони Шумо!

Раёсати Донишгоҳи давлатии тиҷорати Тоҷикистон кулли устодону кормандон ва донишҷӯёни донишгоҳро бо фарорасии соли нави таҳсили 2018-2019 ва 27-умин солгарди Истиқлолияти давлатии Ҷумҳурии Тоҷикистон табрику таҳният гуфта, ба онҳо дар кору таҳсил ва зиндагиашон барору комёбиҳо таманно доранд.

Асосӣ Факултаҳо Тиҷорат ва гумрук

ФАКУЛТЕТИ ТИҶОРАТ ВА ГУМРУК

Факултети тиҷорат ва гумрук соли 1987 дар базаи филиали донишкадаи шаҳри Новосибирск ташкил ёфта, ҳамчун факултети «Иқтисодиёт ва баҳисобгирӣ» шинохта шуд. Сипас соли 1990-1995 ҳамчун факултети «Молшиносӣ ва тиҷорат», баъдан  соли 1995-1997 факултети «Тиҷорат ва технология» ва дар айни ҳол чун факултети «Тиҷорат ва гумрук» фаъолият менамояд.

Факултет мутахассисонро аз рӯи ихтисосҳои зерин  тайёр  мекунад.

125011004– Тиҷорат дар бозори берунӣ;
126020305– Маркетинги байналмилалӣ;
126020301 – Фаъолияти рекламавӣ
126020312 – Маркетинг дар сайёҳӣ
25010900 – Молшиносӣ ва муоинаи молҳо
96010100 - «Фаъолияти гумрукӣ»;
191010101-«Технологияи маҳсулот ва ташкили хӯроки умумӣ».

Тӯли солҳои мавҷудияташ ба ин факултет н.и.и., дотсент Салий В.В. (1987-1988), н.и.и., дотсент Абдулназаров Н, (1988-1992), Ҳусейнов К.Б. (1992-1997), профессор Раҷабов Р. К. (1997-1999), профессор Маҷидов Ҳ.М. (2000 -2008), номзади илмҳои физика ва математика, дотсент Салимов Назарали Сафарович ( 2008-2017) роҳбарӣ кардаанд ва аз ноябри соли равон вазифаи декани факултет ба ӯҳдаи доктори илмҳои иқтисодӣ, дотсенти кафедраи менеҷмент ва иқтисодиёти меҳнат Саидова Мунавар Ҳамидовна гузошта шудааст.

Бояд қайд намуд, ки ҳайати устодони болаёқат ва пуртаҷриба, ки барои тайёр намудани мутахассисони баландпоя метавонанд ба хубӣ аз иҷрои вазифаҳои ба дӯшашон гузошташуда бароянд, хеле зиёданд. Устодони серталабу пуртаҷрибаи мо ба мисли профессорон Раҷабов Р. К., Нидоев Н. Ф., Маҷидов Х.М., Тошбоев Ғ,, дотсентон Салимов Н.С., Юсупов С Ю., Хуморов Д.М., Хикматов С.И., Ҳомидов М. С., Норқузиева Б., Шарипов М., Таваров Л.Т. Авғонов С., Ҷаборов А., Ҳусейнов Б., Урунова С. Камолов У., Сангмамадов Д.ва дигарон аз қабили онҳо мебошанд.

Пояи моддию техникӣ ва иқтидори кадрии факултет имконият медиҳад, ки донишҷӯён соҳиби  маълумоти амиқи тахассусӣ гардида, дар бозори меҳнат рақобатпазир бошанд. Бо ин мақсад барои дар сатҳи зарурӣ гузаронидани ҷараёни таълими фанҳо дар факултет ҳамаи шароитҳо фароҳам оварда шудааст. Комплекси озмоишгоҳҳои нави илмӣ-таълимии молшиносӣ ва экспертизаи молҳо, технология ва ташкили хӯроки умумӣ, лабораторияҳои физика, химия, синфхонаҳои намунавии таълимӣ бо компютерҳо, мултипроектҳо, техникаю таҷҳизотҳои замонавӣ, бо схемаю ҷадвалҳо, диаграммаҳо, формулаҳо, расмҳои олимон, муҷҷаҳаз гардонида шудаанд ва донишҷӯён аз онҳо самаранок истифода бурда истодаанд.

Садорати факултет ба масъалаи корҳои тарбиявӣ аҳамияти ҷиддӣ медиҳад. Баҳри баланд бардоштани саҳми корҳои тарбиявӣ дар тарбияи мутахассисони олитахассус дар факултет дар ҳар нимсолаи хониш озмуни «Гурӯҳи беҳтарин», «Синфхонаи беҳтарин», «Гӯшаи беҳтарини гурӯҳӣ» гузаронида мешавад ва ин озмунҳо дар пешрафти корҳои тарбиявӣ саҳми арзанда гузошта истодаанд.

Донишҷӯёни факултет на танҳо дар ҷодаи илмомӯзӣ, инчунин дар бахши варзиш низ ба комёбиҳои назаррас чӣ мусобиқаҳои донишгоҳӣ ва чӣ дар мусобиқаҳои Ҷумҳуриявӣю байналмиллалӣ низ  ноил гардидаанд.

Раёсати факултети «Тиҷорат ва гумрук» боварии комил дорад, ки мутахассисони ҷавон дар пешрафти кори соҳаҳои иқтисодиёт ва дигар ҷабҳаҳои фаъолият дар Ҷумҳурӣ саҳми босазо мегузоранд.

Ба факултет кафедраҳои зерин вобаста карда шудаанд:

•    Кафедраи экспертизаи молҳо ва фаъолияти гумрукӣ;
•    Кафедраи маркетинг ва тиҷорат;
•    Кафедраи математикаи олӣ ва фанҳои табиатшиносӣ;
•    Кафедраи фанҳои ҷамъиятшиносӣ.
Ҳоло дар факултет 914 донишҷӯён таҳсил менамоянд.

Шумораи донишҷӯёни факултети тиҷорат ва гумрук дар соли таҳсили 2017-2018

 

Рӯзона

Ғоибона

Ҳамагӣ:

Бакалавриат

567

347

914

ДОНИШҶӮ

МАГИСТРАТУРА

КОРМАНДОН

Нишонӣ

Номи пурра: Донишгоҳи давлатии тиҷорати Тоҷикистон 

Суроға: 734055, Ҷумҳурии Тоҷикистон, ш. Душанбе, куч. Деҳоти 1/2, Донишгоҳи давлатии тиҷорати Тоҷикистон

Ректор: д.и.и., профессор Фақеров Ҳамидуллохон Нуриддинович

  • Телефон: +992(37) 234-83-46     +992(37) 234-85-46

Мо дар шабакаҳо иҷтимоӣ

Асосӣ Факултаҳо Тиҷорат ва гумрук