Донишгоҳи давлатии тиҷорати Тоҷикистон

Донишгоҳи мо-ояндаи дурахшони Шумо!

Омӯзгорону кормандон ва донишҷӯёни гиромӣ! Раёсати донишгоҳ ҳар яки Шуморо ба муносибати фарорасии моҳи шарифи рамазон, растагориву иҷобати дуо, хайру саховат ва муҳаббату шавқат аст, аз самими қалб табрику муборакбод менамоянд.

Асосӣ News and Events Сухани судманд бо семинари омӯзишӣ

Сухани судманд бо семинари омӯзишӣ

Санаи 1-уми феврали соли 2018 дар донишгоҳ семинари омӯзишӣ дар мавзӯи “Барномаи автоматикунонии раванди таълим” бо иштироки аҳли раёсат, раёсати таълим, роҳбарони факултетҳо ва мудирони кафедраҳо гузаронида шуд.

Семинари омӯзишии мазкур аз ҷониби муаллими калон Бӯриев Беҳрӯз бисёр ҳам ҷолибу омӯзанда доир гардид ва дар анҷоми ин чорабинӣ аз ҷониби аҳли нишаст перомуни мавзӯи семинарӣ суолҳо пешниҳод гардид, ки ба ҳар яки ин пурсишҳо посухҳои аниқу муайян дода шуд.

Ҳамчунин, дар фарҷоми ин семинари омӯзишӣ ректори донишгоҳ Фақеров Ҳ.Н. суханронӣ карданд ва муҳимияти омӯзиши барномаи мазкурро дар замони рушди пурвусъати технологияҳои иттилоотию инноватсионӣ таъкид намуданд. Ректор Фақеров Ҳ.Н. дар идомаи сухан афзуданд, ки омӯзгорон бояд дар ин масъала фаъолу ҷиддӣ бошанд, дар сари вақт маълумотҳои худро ба саҳифаи электронӣ ворид намоянд, чун алъон аҳли омӯзгорони донишгоҳи мо қадамҳои нахустинро дар ин ҷода гузошта истодаанд ва ин амал боз як қадами устувори аҳли донишгоҳ дар масъалаи воридшавӣ ба фазои ягонаи муосири технологӣ мебошад.

Зимни идомаи сухани профессор Фақеров Ҳ.Н. ёдрас намуданд, ки барномаи мазкур имконият медиҳад, то ба ҳар як устод ва донишҷӯ баҳогузорӣ карда шавад ва дар поёни соли таҳсил натиҷаҳои таълиму тадрис ҷамъбаст гардида, унвонгирони омӯзгор-лидери сол ва донишҷӯ-лидери сол муайяну мушаххас карда шаванд.

Дар фароварди сухан устод Фақеров Ҳ.Н. ба ҳамаи омӯзгорони донишгоҳ дар нимсолаи дуюми соли таҳсили 2017-2018 барору комёбиҳо ва тани дурусту осудагии хотир орзу карданд.

шуъбаи робита бо ҷомеа

Нишонӣ

Номи пурра: Донишгоҳи давлатии тиҷорати Тоҷикистон 

Суроға: 734055, Ҷумҳурии Тоҷикистон, ш. Душанбе, куч. Деҳоти 1/2, Донишгоҳи давлатии тиҷорати Тоҷикистон

Ректор: д.и.и., профессор Фақеров Ҳамидуллохон Нуриддинович

  • Телефон: +992(37) 234-83-46     +992(37) 234-85-46

Мо дар шабакаҳо иҷтимоӣ

Асосӣ News and Events Сухани судманд бо семинари омӯзишӣ