Дар доираи амалисозии лоиҳаи CirculEC вохӯрии гурӯҳи корӣ баргузор гардид, ки ба масъалаҳои омодагӣ ба мониторинги пешомада бахшида шуда буд. Мониторинг рӯзи 13 декабри соли 2025 дар Донишгоҳи давлатии тиҷорати Тоҷикистон (ДДТТ) баргузор мегардад.

Дар ҷараёни вохӯрӣ гурӯҳи корӣ марҳилаҳо ва вазифаҳои асосиро, ки бо гузаронидани мониторинг алоқаманданд, баррасӣ намуданд, аз ҷумла:

• дақиқсозии ҳадафҳо ва методологияи баҳодиҳӣ;
• тақсимоти нақшҳо ва масъулиятҳо байни иштирокчиёни лоиҳа;
• мувофиқаи муҳлатҳо ва формати пешниҳоди натиҷаҳо;
• омода намудани мавод ва ҳуҷҷатҳои ҳисоботӣ.

Таваҷҷуҳи махсус ба таъмини шаффофияти раванд ва ҳамоҳангсозии усулҳои ягонаи ҷамъоварӣ ва таҳлили маълумот равона гардид.

Дар асоси натиҷаҳои вохӯрӣ нақшаи минбаъдаи амал тасдиқ шуд, ки омодагии саривақтӣ ва самаранокро ба мониторинг таъмин намуда, сифати баланд ва боэътимодии ҳисоботдиҳиро кафолат медиҳад.