Ҳамасола 15-уми март ҳамчун Рӯзи байналмилалии ҳимояи ҳуқуқи истеъмолкунандагон ҷашн гирифта мешавад. Ин рӯз ба хотири таъмини ҳуқуқу манфиатҳои истеъмолкунандагон, баланд бардоштани сатҳи маърифати ҳуқуқӣ ва ҳифзи манфиатҳои иқтисодии шаҳрвандон аҳамияти бузург дорад.

Риояи меъёрҳои байналмилалии ҳимояи ҳуқуқи истеъмолкунандагон, аз ҷумла Бунёди ҳашт принсипи асосии ҳуқуқи истеъмолкунанда, ки аз ҷониби Созмони Милали Муттаҳид эътироф шудааст, барои таъмини фазои одилонаи бозор муҳим аст. Инҳо иборатанд аз:

1. Ҳуқуқ ба маҳсулоти бехатар – Истеъмолкунандагон бояд аз молу маҳсулоти сифати баланд ва хатарнокӣ надошта баҳра баранд.
2. Ҳуқуқ ба маълумот – Ҳар шахс бояд дар бораи маҳсулот ва хизматрасонӣ маълумоти дуруст ва дақиқ дошта бошад.
3. Ҳуқуқ ба интихоби озод – Истеъмолкунандагон бояд имкони интихоби молу маҳсулоти гуногунро дошта бошанд.
4. Ҳуқуқ ба ислоҳ ва ҷуброн – Дар ҳолати зарар дидан аз маҳсулоти пастсифат ё хизматрасонии номуносиб, истеъмолкунандагон бояд ҳаққи муроҷиат ва гирифтани ҷубронро дошта бошанд.
5. Ҳуқуқ ба ислоҳи нобаробарӣ – Ҳифзи истеъмолкунандагон аз амалиётҳои беадолатонаи бозорӣ ва рекламаҳои фиребгарона.
6. Ҳуқуқ ба шунида шудан – Истеъмолкунандагон бояд дар қабули қарорҳои марбут ба манфиатҳои худ иштирок кунанд.
7. Ҳуқуқ ба муҳити солим – Ҳар шахс бояд дар муҳити тоза ва аз лиҳози экологӣ бехатар зиндагӣ кунад.
8. Ҳуқуқ ба таълимоти истеъмолӣ – Истеъмолкунандагон бояд маълумоти заруриро оид ба ҳуқуқ ва ӯҳдадориҳои худ дарёфт намоянд.

Бо боварӣ метавон гуфт, ки тавассути баланд бардоштани маърифати ҳуқуқӣ ва риояи меъёрҳои байналмилалӣ, метавон фазои одилонаи бозорро таъмин намуда, ҳуқуқу манфиатҳои истеъмолкунандагонро ҳифзкард.