24-уми ноябри соли 2025 омӯзгорону донишҷӯёни Донишгоҳи давлатии тиҷорати Тоҷикистон бо рӯҳияи баланд ва эҳсоси гарми ватандӯстӣ дар роҳпаймоии идона бахшида ба Рӯзи Парчами давлатии Ҷумҳурии Тоҷикистон, ки аз Майдони Истиқлол то Боғи Парчами давлатии шаҳри Душанбе баргузор гардид, фаъолона иштирок карданд.

 Иштироки фаъолонаи омӯзгорону донишҷӯён дар ин чорабинии муҳими давлатӣ нишони арҷгузорӣ ба арзишҳои миллӣ, эҳтиром ба муқаддасоти давлатдорӣ ва омӯзиши бештари таърихи парчами миллист.