28-уми ноябри соли 2025 дар факултети муносибатҳои иқтисодии байналмилалӣ, ҳуқуқ ва гумруки Донишгоҳи давлатии тиҷорати Тоҷикистон дарси намунавии муаллими калони кафедраи иқтисодиёти ҷаҳон ва муносибатҳои байналмилалӣ Нурмаҳмадов Замир Мирмаҳмадович дар мавзӯи «Тиҷорати электронӣ дар Ҷумҳурии Тоҷикистон ва ҷаҳон» барои донишҷӯёни курси 4-уми ихтисосҳои иқтисодиёти ҷаҳонӣ ва робитаҳои байналмилалӣ бо истифода аз усулҳои муосир таълим ва технологияи иттилоотию коммуникатсионӣ баргузор гардид.

Дар дарси намунавӣ омӯзгорони факултет Фитрат Рустамзода, Саодат Абдуразоқова, Гулҷаҳон Иброҳимзода ва сармутахассиси раёсати таълим Усмон Сафаров иштирок намуданд.

Таъкид карда шуд, ки тибқи Паёми Пешвои муаззами миллат муҳтарам Эмомалӣ Раҳмон солҳои 2025–2030 «Солҳои рушди иқтисоди рақамӣ ва инноватсия» муайян гардидаанд, ки аҳаммияти баланд шудани нақши рақамисозиро дар иқтисод нишон медиҳад.

Зимни дарс Замир Нурмаҳмадов моҳият, вазифа ва сохтори тиҷорати электрониро шарҳ дода, зикр намуд, ки ин соҳа дар Тоҷикистон ташаккул ёфта, имрӯз дар ҳолати рушди устувор қарор дорад.

Дар анҷом донишҷӯён ба маърӯзачӣ саволҳои худро пешниҳод намуда, ба онҳо ҷавобҳои муфассал гирифтанд.