29-уми ноябри соли 2025 дар кафедраи фаъолияти гумруки Донишгоҳи давлатии тиҷорати Тоҷикистон семинари илмӣ доир ба мавзуи “Асосҳои бехатарии иқтисодӣ ва такмили онҳо дар Ҷумҳурии Тоҷикистон” бо иштироки сардори раёсати илм ва инноватсия Зоир Султонов, мудири кафедра Рано Ғаюрӣ, дотсентон Парвиз Нидоев, Муҳаммадҷон Алиев, муаллими калон Нурия Назарбекова ва донишҷӯёни ихтисоси 960101-хадамоти гумрук гузаронида шуд.

Семинари илмиро омӯзгори кафедра Муҳаммадҷон Алиев оғоз намуда, қайд кард, бехатарии иқтисодӣ ин ҳолати устувории иқтисод мебошад, ки дар он давлат, ҷомеа ва шаҳрвандон аз таҳдидҳои дохилию хориҷӣ дар соҳаи иқтисод ҳифз карда мешаванд. Бехатарии иқтисодӣ қисми таркибии амнияти миллӣ буда, барои рушди устувори давлат ва баланд шудани сатҳи зиндагии мардум аҳаммияти калидӣ дорад.

Сипас, дотсенти кафедра Парвиз Нидоев суханронӣ намуда, масъалаҳои такмили бехатарии иқтисодии Ҷумҳурии Тоҷикистонро дар заминаи ҳадафҳои стратегии мамлакат мавриди баррасӣ қарор дод.

Семинари илмиро омӯзгор Муҳаммадҷон Алиев ҷамъбаст намуда, иброз дошт, ки бехатарии иқтисодӣ барои рушди устувор, баланд бардоштани сатҳи зиндагии мардум ва таҳкими иқтидори иқтисодии кишвар нақши муҳим мебозад. Барои таҳкими он зарур аст, ки иқтисод диверсификатсия карда шуда, саноати коркард рушд намояд, энергетика тақвият ёбад, амнияти ғизоӣ таъмин гардад ва низоми молиявӣ устувор гардад. Тадбирҳои давлатӣ, ҳамкорӣ бо созмонҳои байналмилалӣ ва фаъол шудани бахши хусусӣ метавонанд заминаи устувори бехатарии иқтисодиро фароҳам оваранд.